سم وهلا .. لبيه !! مغليك لبا
يا حي صوتً لا دعاني لبيته
فنجال حبك داخل الروح صبا
ينساق من وجد الغرام ومليته
لك واهجً في مهجة الروح شبا
وأنا المولع في غلاك وربيته
نسنس عليه من شمالك وهبا
والورد من بين المعالق جنيته
من دون ما تدري ولا أحداً تنبا
صنت الغلا في داخلي ما حكيته
في خافق اللي ماسبق له وحبا
مخفيه عن شرك الغرام وحميته
غيرك يحاول يهتويني وتبا
تبا وتاب من الهواء ماسقيته
أحلف بأنه لا سواء الله ربا
أنه ولا مخلوق غيرك هويته
كن الغلا طفلاً على أيدي تربا
العين أمه وأوسط الجاش بيته
بين الحنايا لك غرامً يخبا
أموت وأحيا والغلا ما نسيته
الرئيسية 
موضوع: سم وهلا .. لبيه !! مغليك لبا 
الجمعة أكتوبر 18, 2013 11:53 am
