لاتشتكي الضيق لقافة شاعر
السلام عليكم ورحمة الله
هالقصيده في اخوي الله يحفظه شفته فالبي بي حاط صورة نار وبر وكاتب ضايق وبي البر
وبدت لقافة الشاعر
آن كان يامشكاي تشكي من الضيق
ونفسك على طرق الصحاري شفوقه
تراي مثلك وابتديت الطواريق
واخترت لي قافً رفيع بذوقه
كله لجل خاطرك ياقمة طويق
يالي مواثيق الرجوله تلوقه
اركب على الي يعجب النفس لاسيق
واليى وقف له هيبةً ماتعوقه
لكزس وجابه مالك الملك توفيق
فوق الوصايف مالوصايف بفوقه
بينك وبينه قد بنيت المواثيق
وعشقت لك طيب وصرت معشوقه
نبي عليه الي ربت فالمعاليق
وخذت من الوجدان نبضه وشوقه
وضح ً غلاها واضحً دون تعليق
يحرم عليها البيع لو زان سوقه
في راي ابو فيصل حزام المطاليق
وضد الخصيم الي يلوي شدوقه
يرعى به الصالح غروب وتشاريق
وحنا حزامه مانخلقنا نعوقه
لاجيتها طاب السهر والتعاليق
وطاب الوصال لجفن عينك وموقه
وترتاح من هرج العباد المصافيق
ومن عبرةً وسط العيون مخنوقه
اعجل علي ياخوك لاتشتكي الضيق
خل الحزين تزين نبضة خفوقه