هجرتك للشاعر أحمد رامى
هجرتك يمكن انسى هواك واودع قلبك القاسي
وقلت اقدر فى يوم اسلاك وافضيى م الهوى كاسي
لقيت روحي فى عز جفاك بافكر فيك وانا ناسي
****
غصبت روحى على الهجران وانت هواك يجري فى دمي
وفضلت افكر فى النسيان لما بقى النسيان همي
لو خطر حبك فى بالي والا زار طيفك خيالي
حاولت اهرب م الافكار اللي تشعل نار حبي
وافضلت وانا بالي محتار فى الحب بين عقلي وقلبي
وكان هجري عشان أنساك واودع قلبك القاسي
لقيت روحي فى عز جفاك بافكر فيك وانا ناسي
****
صعبان علي جفاك بعد اللي شفته فى حبك
مش قادرانسي رضاك أيام ودادك وقربك
لكن اعمل ايه وانا قلبي لسه صعبان عليه
صعبان عليه انه اتمنى جنة قربك
ونال مرداه وانتهى بنعيم حبك
وارجعت تسيه من صدك كاس الهجران
وتفوت علية ايام بعدك سهد وحرمان
وكان املي فى يوم انساك واودع قلبك القاسي
لقيت روحي فى عز جفاك بافكر فيك وانا ناسي
****
يا ما حاولت انساك وانسى ليالي هواك
وانسى الجمال اللي شقته فى الوجود وياك
حرمت روحي من كل نسمه كانت بتسري بينك وبيني
وحرمت روحى من كل نعمه كانت بتحلى وياك ف عيني
وقلت اعيش من غير ذكرى تخلي قلبي يحن اليك
مافضلش عندي ولا فكرة غير اني انسى افكر فيك
وصبحت بين عقلي وقلبي تايه حيران
اقول لروحي من غلبي انسي النسيان
ما دام باهجر عشان انساك واودع قلبك القاسي
واشوف روحي فى عز جفاك بافكر فيك وانا ناسي
مما راق لى
الرئيسية 
موضوع: هجرتك للشاعر أحمد رامى 
الإثنين أكتوبر 22, 2012 2:44 am
