دخيل الله تخيّر بالسوالف ما عدا فرقاك
حرام يروح عمري ياوطن عمري على الفاضي
أنا أدري من غلاك اللي بقلبي جاك ماكفّاك
ولكن .. كيف أبزعلّك وأنت : الحق والقاضي !
اذا ودّك تعذبني ( تفضل سمّ آمر هاك )
تخيّر بالضلوع اللي بتطعنها .. وانا : راضي
تنطحت المنايا من سمعت ( ألوّك وبيباك )
تخيّل كيف ميّت ممكن إنه يكون متقاضي !
زماني سمح لامن جيتني ما كنّه إلّا ( إياك )
أمانه : خلنا نمسك بعض ونروح لـ الماضي !!
معك خذني أو اخذني معاك أو اخذني وياك
على كل السبُل دامي بدونك مالي أراضي !!
طلبتك لاطلبتك قول لي فدوه فداك اعداك
بلملم فرحتي في جيّتك وبترك : أغراضي !
( تمنيتك وحققتك ) وقلت : أبرجع أتمناك
عرفت الحب كيف يخلي اللي حَب : متغاضي
أحبك من هنا وأبي أحبك من هنا لـ هناك
وأبيك تحبني مشغول ما أبي تحبني فاضي
الرئيسية 
موضوع: دخيل الله تخيّر بالسوالف ما عدا فرقاك 
الخميس أغسطس 08, 2013 9:08 am
