ليتني تارك محبتها وماحبيتها
يسعد مساكم
ابيات راقتلي كثيرا وحبيت اشارككم فيها
اتمرني ذكرى هوى بالي وانا منها جريح
هذه سنه من مرت الضيقه ومن خاويتها
..
اتمرني وأخاف لامرت من عيوني تطيح
دمعه يا لولا العيب والشمّات ماخفيتها
..
هي تحسب إني لا دنالي الليل نايم مستريح
وأنا أتقلّب فوق جمرتها وماحسيتها
..
واقوم أدورهـا وكـني من يدور له ضريــح
وفي كل يوم أمر شارعها واطالع بيتـها
..
واقول بالله يازريف الطول يالترف المليح
وشلون تترك علة المجروح ماداويتها
..
خليتني في سكة الاحـباب مطعون وطريح
واقفيت حتى ضيقتي وياك ماداريتها
..
شحّيت في وصلي وانا ماكنت في وصلك شحيح
كنت آصلك والنفس في غايتـك مارديتها
..
أجيـك لأني أكره الكذاب وأحـب الصريح
ولا فيه حاجه جات في خاطرك ماسويتها
..
واليوم شفني كيف أوقف لاتذكرتك وأطيح
وشوف العلوم الي على حطتك من خليتها
..
مصيرك انك تدري انه مايصح الا الصحيح
واتعرف حي اقلوب خلق الله وتعرف ميتها
..
عزاي أردد ياظروف الوقت بلسانِ فصيح
وأقول مره ليتني ,, وأقول مره ليـــتها
..
ياليت لي قلبِ من الصده وطاريها مريح
أو ليتني تارك محبتــها ,, وماحبيتها