.::: كسر خاطر :::.

صحيح انا انسان محتاج انسان
فاقد حنان وحالتي ( كسر خاطر ) .

. اكتب على الغيمه سواليف الاحزان
ويضيق صدر الغيم من حزن شاعر .

. ويهلّ دمع الحزن هتان هتان
يشفق عليّه يدري الهمّ كافر .

. أنا الوحيد اللي عثت فيه الازمان
مالي سوى دمعه ولي حض عاثر .

. مكسور في نفسي وعايش بحرمان
محروم حتى من لذيذ المشاعر .

. محدٍ درى عنّي ولو كان ما كان
اكتم بصدري وانطعن بالخناجر .

. واليوم جيت احكي وفالقلب بركان
ماعاد فيني صبر كم عشت صابر .

. ان ابستم لي الحض جرّيت الالحان
وان عاندت دنياي بنسى واكابر .

. يامن يجي يسمع ونيني والاشجان
ويضمّني ضمّة حبيبٍ مسافر .

. يامن يجيني قبل لفي فالاكفان
ويحسّ بي قبل اندفن فالمقابر .

. احتاج لي بسمه يتيمه على شان
مآموت قبل افرح بلحظه واغادر .

. وصلت حدّ اليأس واليأس عنوان
ملّيت من نفسي ولا آبيه باكر .

. والله انا انسان محتاج انسان
فاقد حنان وحالتي ( كسر خاطر ) .

دام التألق ... ودام عطاء نبضك
كل الشكر لهذا الإبداع
لك مني كل التقدير ...!!
وبآنتظار روائع جديدك بكل شوق...!
ارق التحآيآ لك

طرح . راااااائع
عبق شذي تناثر بين ارجاء متصفحك
سلمت آنآملكـ اللؤلؤيه
على هذه المُشآركه المتميزه
ذائقه مميزه...

حروفك تنهل من الاماني العاطرة
وتقدم الاحلام الساحرة
تحياتي لروائع قلمك الزاهر
مع عاطر الود وازهار وورد
وخمسة نجوم انقاء الحرف وصفاء القلب
:::::::::::::::::::::::::::::::::::::::::::::