المقادير | الحشـوة ..
- بصلة كبيرة مفرومة ناعم أو بصلتين متوسطة الحجم ,
- حزمة كزبرة مفرومة فرم نـاعم ,
- عصير طماطم بالخلاط تقديرياً ممكن 8 طماطم
أو أكثر أنتم وقياسكم وتضيفون له مكعب ماجي وهو بالخلاط ..
لان هذا الشئ الي رح ينطبخ فيه الرز بس بدون موية !
- كاس رز مصري مغسول ..
- نص كاس زيت زيتون
- بهارات + ملح وفلفل أسود ..
- للي حاب يضيف فلفل يابودره أو طازج " للنكهة السبايسي "
الطريقة | ..
- نحمس البصل بالطنجرة لين مايذبل معانا ,
- نضيف الرز المصري + عصير الطماطم ..
نخليه يطبخ 5 دقايق بس !
لين مانحس انه صار نص أستواء
- نطفي النار ونضيف الكزبرة المفرومة ..
- نضيف للخليط زيت الزيتون + البهارات .
ملاحظات مهمة + المرحلة الثانية | ..
- أول شئ ناخذ ورقة العنب الوحدة ..
ونقصها لأربع مربعات أو مستطيلين " حسب حجم الورقة "
بشكل " + " طبعاً ,
نبدأ نحشي كل قطعة ومانكثر الحشوة كثير
نحط مقدار معقول تقريباً نص ملعقة صغيرة ,
ونلفها كويس ونبدأ نصفهم بصينية بايركس مبطنة بحلقات البصل بس!
لاتحطون لابطاطس ولا أي شئ ثاني ..
لأن البصل يضيف نكهة للورق عنب خيالية ,
واذا حطيتوا بطاطس رح يمتص كل الصوص بعدين وبيطلع طعم الورق عنب بايخ !
أذا خلصنا من حشّي كل الورق عنب .. نضيف له الصوص المكون منّ ,
الصـوص | ..
- كاسين موية مغلية ,
- مكعبين ماجي
- نص كاسة زيت زيتون
- عصير ليمون " الكمية حسب ماتحبون الحموضة "
نقصدر الصينية زين زين زين !
ونحطها بالفرن من تحت ع درجة حراة متوطسة ..
ونخليه يطبخ ع راحته ممكن ياخذ مننا من ساعتين - ثلاث ساعات ,
وبعد مايخلص الطبخ لاتشيلون القصدير !
خلّوه ساعتين يبرد ع راحته عشان يكسب اللون ولايسّود وتكون والنكهة أكثر , وتدخلونه الثلاجة بعدها ..
يفُضل تعملونه قبل العزيمة بيوم ..
- البعض يحتار وش أفضل براند للورق عنب ؟
أنا أنصح بهالنوعيين ..
1- قلب الطبيعة
2- العلالي