وصفة المرة لعلاج حب الشباب على الظهر و الاكتاف

السلام عليكم ورحمة الله وبركآته /

اولا / هذه الوصفة لحب الشباب وكذلك الحبوب اللي تظهر بالجسم مثل الظهر والكتف

والمادة المستخدمة الكل يشهد بانها نافعة باذن الله لكثير من الامراض

وهي / المرّ

فقط خذي مقدار من المرّ او المرّة كما يسميها البعض وضعي عليه قليل من الماء بحيث يصبح عندك لونه وشكله مثل الشاهي

طبعا انا افضل دائما اني اخليها ثقيلة يعني ما اكثر الماء .. لو كانت القطعة صغيرة حطيت قليل من الماء ولو اكثر كثرت الماء بس اراعي انه مايطلع خفيف حتى يعطي نتائج اسرع باذن الله

وبعد ما تنقعيه لعدة ساعات او ليلة كاملة خذي قطعة قطنة واغمسيها في الماء ثم قومي بمسحه على مناطق الحبوب في وجهك او جسمك واتركيه يجف

بعد ما يجف راح يشد وجهك مثل القناع العادي خليه فترة ثم اغسليه او حطيه قبل ما تنامي ونامي فيه

ولنتائج سريعة /

لو كانت عندك مناسبة وطالعة لك حبة او حبوب مزعجة فقط ماعليك الا قبلها بيومين انك تضعي من المرّة اكثر من مرة

يعني انا احيانا لما تكثر الحبوب في وجهي او تكون عندي مناسبة ومنزعجة من الحبوب باقعد احط من المرّة كل شوي يعني كل ماشفته او تذكرت حطيت منه ولا تخافي باذن الله مافي ضرر لاني جربت وماقلت لكم هذا الشي الا من تجربة

والله يابنات انه الحبوب تجف وتزول بشكل رهيب

واحيانا تكون في حبة تبى تظهر فهو يخليها تظهر وتختفي بسرعة

ومثل ماشفتوا الطريقة مافي اسهل منها فقط وانت رايحة وجاية حطي منه وخليه ينشف وبعدها بكم ساعة كمان حطي مافي اي ضرر بحول الله

وعشان اريح حالي حطيت كم قطعة كبيرة منه في قارورة واغطيها وقت ابغى استخدمه افتحه وارجع اقفله لانك لو تركتيه مفتوح مع الهوا والوقت يبدا ينشف الماء اللي فيه وتحتاجي تحطي له ماء مرة ثانية وتستنيه يتنقع فيه

فلذلك لو جربتي الطريقة وناسبتك باذن الله حطي كم قطعة كبار من المر في قارورة ماء صحة مثلا وغطيها واي وقت تبي تستخدمي حطي عالقطنة وارجعي قفليه

ملآحضه /
طبعا دائما جربوا الوصفة في منطقة صغيرة لانه كل واحدة بشرتها ومشاكلها تختلف عن الثانية

~| منقول للأمآنه |~

موضوع في قمة الروعه

لطالما كانت مواضيعك متميزة

لا عدمنا التميز و روعة الاختيار

دمت لنا ودام تالقك الدائم