مسبك الكوسا .. طبق رمضاني ...
بسم الله الرحمن الرحيم ..
السلام عليكم ورحمة الله ... اسعد الله مساكم وصباحكم وجميع اوقاتكم بكل خير ...
جايبة لكم طبق جديد من مطبخي الجميل العزيز على قلبي 
و وصفة شهية الكل يحبها ... ودايم اسويه في رمضان .. عبارة عن كوسا مع جزر و طماطم وصلصة طماطم ...
تعالو نشوف المقادير ..
المقادير جماعيا .. 
نصف كيلو كوسا متوسطة الحجم ومغسولة جيدا ومقطعة قطع كبيرة مع القشر للفوائد
الصحية في القشر ..
بصلة كبيرة مفرومة على شكل حلقات او حسب رغبتكم انا احبها حلقات على فكرة
في جميع الطبخات ..
باقة صغيرة بقدونس مغسوول ومفروم فرم ناعم ..
حبتين جزر .. مقشرة ومفرومة فرم صغير ...
ملعقة صغيرة كمون
ملعقة صغيرة فلفل اسود
ملعقة صغيرة كركم
ملعقة صغيرة بهارات الكبسة السعودية
ملعقة صغيرة كزبرة حبيبات
ملعقة صغيرة كمون
رشة قرفة ..
3 حبات طماطم متوسطة الحجم ومفرومة بالشكل اللي تشوفونه بالصوورة
نسكب زيت نباتي في قدر على نار متوسطة و ننتظر لين الزيت يسخن ..
ونضيف البصل و بملعقة خشبية نقلب في الزيت ..
نلاحظ اللون مال إلى الذهبي ...
نضيف الثوم ونقلب لين نشم الريحة .. عاد انا ماحب الثوم بس اللي عندي يحبونه مع الاكل ..
نضيف البهارات كاملة مع ملح و ملعقة كبيرة معزز النكهات استبدال عن
مكعبات الماجي .. يعطي نكهة ولا اروع للاطباق ...
ونقلب الخليط لين تطلع ريحة البهارات ...
بعدها نضيف الكوسا للتوابل والبصل والثوم ونحرك بقوة ..
شوفوا بعد التقليب المنظر رهيب هههههه 
نصب قليييل من الماء عشان الكوسا لاتحترق
نحط الطماطم في الخلاط ونطحنه لين يصير مزيج سائل ...
ونضيفه للكوسا ...
وكوبين مووية للمزيج كله ...
و نضيف الجزر اخيرا .... ونترك الخضار لمدة ساعة لين يتسبك معنا ...
بعد ساعة راح نشوف نتيجة حلوة للطبخة .. 
نضيف ملعقتين كبيرة صلصة طماطم و نحرك و راح يصير متماسك و ريحته مرة
جنان ...
وهذا هو اخيرا .... يزين بالبقدونس المفروم ...
مع رز مهيل و عليه ورق غار و سمن نباتي ومعزز نكهات و كركم ...
ومزين بالبقدونس اللي فرمناه ..
و هنا وعافية على قلوبكم ..
الرئيسية 
موضوع: مسبك الكوسا ( طبق رمضاني ) 
الأحد يوليو 07, 2013 11:05 pm
