الحُب يهِد الحَال

حبيبي والهوى ينبت على قلبي حلم وآمال
وشراييني تضخ الدم من اشواقي وترويها

إنا اسمع دايم الأمثال تقول (الحب يهد الحال)
وانا أقول الهوى جنه مادام الوصل يحييها

دخيل أنفاسك وخدك ورمش عيونك القتال
ودخيل شفاهي اللي بسمتك دايم تحليها

ابيك بصدق توعدني قصر معك الزمن أو طال
حياتي يا بعد عمري دخيلك ما تخليها

وأبيك تكون لي جنه إذا طاح البخت أو مال
وابي عينك تراعيني من الدنيا وبلاويها

وابي حبك يغطيني من أسفل كاحلي للشال
وابي صوتك يذوبني مثل شمعه انتهى ضيها

وانا بعطيك عهد الله وآمان الواحد المتعال
ما دامني على الدنيا......عيونك ما ابكيها

وعلي ارسم بك أحلامي واخلي الروح بك تختال
واسميك بحشا روحي (حـــبــيـــبي) وأنت غاليها

بعد عمري.. بعد روحي.. بعد أعمامي والأخوال
وبعد كل الشعوب اللي...ثبوت في أراضيها

احبــك... إيه.... احبــك...وحبك بالحشا لازال
وأحس انه بعد يزداد بكل لحظه وثوانيها

احبك كثر ما في الكون من بحور وشجر وجبال
واحبك كثر ما ترسي المراكب في موانيها

واحبك كثر أنفاسك وعدد مافي الصحاري رمال
احبك كلمه بشفاهي ولا ادري كيف احكيها

وربي لا محبه قيس ولا حتى هوى الأمثال
يجي ربع المحبة اللي بقلبي لك محنيها

طرح جدا رائع و راقي
اعجبني

رووووعة عوافي على قلبك
+_+

شكر جزيلا للطرح القيم
ننتظر المزيد من ابداع مواضيعك الرائعه
تحيتي وتقديري لك

نتمنى لكي مزيداًُ من التقدم  وننتظر جديدك

يِعَطُيّك العإأآفِيـــةْ ..
رِبِيٌ يِسِلٌمْ قِلبَك عَلى هآلآنتًٍقآءًٍ..
بِإنًتَظِآأإر جّديٍدًك بكُلٍ شٍوٌقٌّ..
لآعٍدَمّنآ طًٍروًٍحآتكًٍ آلِرَآئِعْةَ..
بَآقَآتْ مِنْ ألجُورِي تُعطِر أنفَآسكْ